اسلام آباد۔ 16 جنوری (اے پی پی) روشن ڈیجیٹل اکاؤنٹس نا کمک اٹ سمندر پار پاکستانی تا زر راہی تس نا کچ 7.195 ارب ڈالر مسنے۔ اسٹیٹ بینک انا کنڈآن جاری کروک حساب و کتاب نا رداٹ روشن ڈیجیٹل اکاؤنٹس (آرڈی اے) نا کمک اٹ سمندر پار پاکستانیک دسمبر 2023اٹی 160 ملین ڈالر نا زرمبادلہ ملک آ مون تسر۔ دسمبر اٹی سمندر پار پاکستانیک 160ملین ڈالر نا زرمبادلہ ملک آ مون تسر ہرا دسمبر 2022 نا مقابلہ ٹی زیات ءُ۔ حساب وکتاب نا رداٹ دسمبر اٹی پین 10182 پوسکن ءُ اکاؤنٹ ملنگا اوکان پد آرڈی اے اکاؤنٹ آتا کچ 651057 مسنے۔ آرڈی اے نا بناآن ہلیس داتم اسکان سمندر پار پاکستانیک جم وڑاٹ دا اکاؤنٹ آتا کمک اٹ 7.195 ارب ڈالر نا زرراہی تسنے۔
