سندھ بلوچستان فیسٹیول نا زوت بناءِ کننگک، ڈی جی گوازی بلوچستان دُرا بلوچ

کوئٹہ۔ 15 جنوری (اے پی پی)ڈائریکٹر جنرل گوازی دُرابلوچ پارینے کہ گوازی تاپڑءِ آباد کننگ و اودے مون آ دننگ ننا اولیت آتیان ءِ زوت سندھ و بلوچستان فیسٹیول نا بناءِ کننگک۔ داڑے جاری مروک اسہ بیان اسے ٹی ڈی جی دُرا بلوچ پارے کہ ایلو سندھ بلوچستان اسپورٹس فیسٹیول نا زوت بناءِ کننگک  ایونٹ بلوچستان نا چندی شار تیٹی اڈتننگک ہراڑے موسم جوان ءِ دُن کہ حب چوکی، نصیر آباد، اوتھل، سبی و کنڈ ملیر اوار ءُ ہراڑے کرکٹ ، فٹبال، شوٹنگ بال، بیچ فٹ بال، فٹ والی، بیچ کرکٹ، ایتھلیٹکس ، اونٹ ریس و ملاکڑا تون اوار چندی گوازی تے اوار کننگک۔ ڈائریکٹر جنرل گوازی دُرابلوچ پارے کہ ننا کوشست ءِ کہ روایتی گوازی تتون دودوربیدہ  ئی گوازی تیا ہم چکار کننگے تانکہ لس بندغ ءِ ہم نمائندگی نا حق ملنگ کے۔