کوئٹہ۔ 15 جنوری (اے پی پی)نگران وزیراعلیٰ بلوچستان میر علی مردان خان ڈومکی نا کماشی ٹی نگران صوبائی حکومت نا کوئٹہ نا الس کن اسہ پین ٹیکی اس، کوئٹہ سیف سٹی پروجیکٹ پوروی نا ایسری کو ریسہ ٹی پترینگا، اسٹیٹ آف دی آرٹ کوئٹہ سیف سٹی پروجیکٹ نا رداٹ دا پروجیکٹ کوئٹہ نا شاری تے رکھ فراوان کننگ اٹ اہم ءُ کڑد اسے نا حامل مریک۔ چیف منسٹر میڈیا سیل نا رپورٹ نا رداٹ دا پروجیکٹ کوئٹہ سٹی ٹی 255 اہم ہند آتیا 1400 آن زیات آئی پی کیمرہ غاتیا تالان ءِ، ہراٹی پوسکن آ چاروکی نا وڑوڈول اوار ءِ پوسکن چاروکی نا وڑوڈول نئے بیرہ علاقائی چاروکی کیک بلکن شار اٹی امن ءِ برقرار تخنگ اٹ کانود نافذ کروک آ ادارہ غاتا ہم کمک ءِ کیک محکمہ سائنس اینڈ انفارمیشن ٹیکنالوجی نا کمامدارآتا رداٹ کوئٹہ سیف سٹی نا کمانڈاینڈ کنٹرول سینٹرپوسکن آ ٹیکنالوجی و گچین انسانی وسیلہ غاتیان شپ ءِ و دا ہندی وڑاٹ ڈیزین کروک پاکستان نا اولیکو نافذ العمل ڈٹ مریک ہرا حسب ضرورت دمدستی ردعمل ودی کننگ و دمدستی کارروائی کن کانود نافذ کروک آ ایلو ادارہ غاتون مربوط کننگانے الحمداللہ دا ڈٹ نگراں صوبائی حکومت و کانود نافذ کروک آ ادارہ غاتا سخت کوشست آتے اٹ 31 دسمبر 2023 آن گڈیکو دروشم اس اختیار کرینے ہرانا باقاعدہ بناءِ ہندا تُو انا ایسر اٹ کننگک۔
