ایل این جی نا درآمد آتیٹی دسمبر اٹی سالانہ بنداوتیا 2 درسد نمو

اسلام آباد۔ 15 جنوری (اے پی پی) ایل این جی نا درآمد آتیٹی دسمبر اٹی سالانہ بنداوتیا 2 درسد نا نمو ریکارڈ کننگانے۔ اوسی اے سی و اوگرانا حساب وکتاب نا رداٹ دسمبر اٹی 816000 ٹن ایل این جی نا درآمد ریکارڈ کننگا ہرا دسمبر 2022نا مقابلہ ٹی 2 درسد زیات ءُ۔ دسمبر 2022اٹی ملک اٹی 798000ٹن ایل این جی نا درآمد ریکارڈ کننگاسس۔ مالی سال انا اولیکو 6 تُو اٹی ایل این جی نا جم درآمد آتا کچ 4185000ٹن ریکارڈ کننگانے ہرا تدوک آ مالی سال انا ہندا مد انا مقابلہ ٹی 0.4 درسد کم ءُ۔ مالی سال 2023نا اولیکو 6 تُو اٹی 4201000ٹن ایل این جی نا درآمد ریکارڈ کننگاسس۔ اکتوبر نا مقابلہ ٹی دسمبر اٹی ایل این جی نا درآمد آتیٹی 48 درسد نا نمان ودکی مسنے۔ اکتوبر اٹی 553000 ٹن ایل این جی درآمد کننگاسس ہرا دسمبر اٹی ودسا 798000ٹن مسر۔