8 فروری بیرہ وونٹ انا جمہوری کاریم اٹ اتنگ نا حق انا اف، قومی نصب العین نا تیاری نادے ءِ، شہباز شریف

اسلام آباد۔ 15 جنوری (اے پی پی) مسکوہی وزیراعظم شہباز شریف پارینے کہ 8 فروری 2024نادے بیرہ وونٹ انا جمہوری کاریم اٹ اتنگ نا حق انا دے اف بلکن دا قومی نصب العین ناتیاری نادے ء۔ دوشنبے نادے آ تینا ٹویٹ اٹی اوپارے کہ 8 فروری 2024نا الیکشن نا دے پاکستان کن زرگزرانی بحالی ، قوم انا سیوت، خارتا چٹفنگ، تعلیم، جان جوڑی ، روزگار نا فراوانی و ورناتے روشنا آخبت تننگ کن اسہ وار ولدا ننا غٹ اکن اواری اٹ کاریم کننگ نا قول انا دے ہم ارے۔ اوپارے کہ خارتے چٹفسا پاکستان کن، الس نا روزگار کن، اڑزان بجلی و گیس اکن، کبینی ٹی کمتی کن، شونداری و شونہالی کن نن غٹ اسٹ مرین و پاکستان نا آخبت ءِ روشناکین۔