اے این ایف نا منشیات اسمگلنگ نا برخلاف کریک ڈاؤن، 417 کلوآن زیات منشیات دوئی، 6 دوبہ دار دزگیر

راولپنڈی۔ 15 جنوری (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف برجا کریک ڈاؤن اٹی 7 کارروائی تیٹی 417 کلوآن زیات منشیات دوئی کرسا 6 دوبہ دار آتے دزگیرکرے۔ ترجمان اے این ایف نا رداٹ مندرہ ٹول پلازہ راولپنڈی نا خڑک 156کلو چرس و 48 کلوہفیم دوئی کرسا 2 دوبہ دار ءِ دزگیرکننگا۔ نوکنڈی آن 52 کلوچرس، 41 کلو ہفیم و 21 کلو مارفین دوئی کننگا۔ ویسٹرن بائی پاس کوئٹہ نا خڑک 85.2 کلوچرس دوئی کرسا دوبہ دار آتے دزگیرکننگا۔ خاربارڈرباجوڑ اٹی اِرا جتا کارروائی تیٹی 1 کلو چرس دوئی کننگا۔ گلبرگ کالونی فیصل آباد آن 2.1 کلوچرس و 6 بوتل شرب دوئی کرسا دوبہ داراسے دزگیرکننگا۔ جی ٹی ایس چوک فیصل آباد نا خڑک دوبہ اسے آن 1.1 کلو آئس دوئی کننگا۔ رنگ روڈ پشاور نا خڑک 1 کلو آئس دوئی کرسا دوبہ دار اسے دزگیرکننگا۔ ترجمان پارے کہ دزگیر دوبہ دار نا برخلاف منشیات تور ایکٹ انا رداٹ مقدمہ غاتے نوشتہ کرسا جاست وپاست نا بناءِ کننگانے۔