اسلام آباد۔ 15 جنوری (اے پی پی) الیکشن کمیشن سینیٹ آن منظور مروک آ گچین کاری تیٹی التواء نا بابت قرارداد آ سینیٹ سیکرٹریٹ ءِ چٹھی اس نوشتہ کرینے ہراٹی پاننگانے کہ الیکشن کمیشن لس گچین کاری 2024ء نا اڈتننگ کن غٹ المی بست وبند آتے پورو کرینے، داریسہ غا لس گچین کاری تے پدبِٹنگ مناسب مفک۔ دوشنبے نادے آ جاری مراسلہ ٹی پاننگانے کہ سینیٹ آن منظور کروک آ …
المی بست وبند آتے پورو کرینن، دا ریسہ غا لس گچین کاری تے پدبِٹنگ مناسب مفک، الیکشن کمیشن نا سینیٹ سیکرٹریٹ ءِ چٹھی
گیشتریں ھال
اسلام آباد۔ 15 جنوری (اے پی پی) الیکشن کمیشن سینیٹ آن منظور مروک آ گچین کاری تیٹی التواء نا بابت قرارداد آ سینیٹ سیکرٹریٹ ءِ چٹھی اس نوشتہ کرینے ہراٹی پاننگانے کہ الیکشن کمیشن لس گچین کاری 2024ء نا اڈتننگ کن غٹ المی بست وبند آتے پورو کرینے، داریسہ غا لس گچین کاری تے پدبِٹنگ مناسب مفک۔ دوشنبے نادے آ جاری مراسلہ ٹی پاننگانے کہ سینیٹ آن منظور کروک آ قرارداد نمبر 562 آ الیکشن کمیشن نا دیوان اٹی گپ وتران مس۔ دیوان اٹی مشاہدہ کننگاکہ الیکشن کمیشن صدر اسلامی جمہوریہ پاکستان نا سلابت اٹ 8فروری 2024ء آ لس گچین کاری تا اڈتننگ کن تاریخ مقرر کرے۔ کمیشن امن و ایمنی نا بحالی کن نگران بنجائی و صوبائی حکومت آتے سیکورٹی حالیت آتے گچین کننگ و لس گچین کاری 2024ء نا پرامن اڈتننگ کن ووٹر آتے سازگار چاگڑد اس فراوان کننگ ناپارت جاری کرینے۔ کیشن لس گچین کاری 2024ء نا اڈتننگ کن غٹ المی بست وبند آتے پورو کرینے و دابابت عدالت عظمیٰ ٹی تینا کمٹمنٹ ءِ ہم جمع کرفینے۔ ای سی پی پارے کہ مستین اٹ ہم لس گچین کاری و بلدیاتی گچین کاریک یخ آتا موسم اٹی مرسا کرینو۔ داحقائق آتے مون آ تخسا الیکشن کمیشن کن دا ریسہ غا لس گچین کاری 2024 ء ءِ پدبِٹنگ مناسب مفک۔
