پنجاب  حکومت   ءِ  یک  دگہ  پازیٹیو  گامگیج،  پریس  کلب   آناں سپیشل   گرانٹ   ءِ پجاری ،  اھوالکار  آنی گہبود    مئے  زمہ واری انت،  سر وزیر   محسن  نقوی  ءُ  بنجاھی وزیر  اھوالکاری   مرتضیٰ  سولنگی  ءِ  مراگش  ءَ گوں  گشتانک

لاہور۔ 14جنوری  (اے پی پی):پنجاب  ءِ  تاریخ   ءَ اولی رند  ءَ  ڈویژن ،  ڈسٹرکٹ  ءُ  تحصیل    ءِ تک  ءَ   جوڑیں  پریس  کلب  آنی  تہ ءَ  9  کروڑ   45  لکھ   ءِ   گرانٹ    بھر   ءُ  بانگ  کنگ بوتگ۔  اے رد ءَ  یک شمبے  ءِ روچ  ءَ  پریس  کلب   آنی  تہ  ءَ سپیشل  گرانٹ  ءِ    چیک  بھر  ءُ بانگ   کنگ  بوتگ ایشی    ءِ تہ  ءَ ادارکی  سر وزیر  پنجاب  محسن  نقوی  ، ادارکی    بنجاھی وزیر   اھوالکاری  مرتضیٰ  سولنگی   ءُ صوبائی     وزیر   ءِ   اھوالکاری  عامر  میر  ءَ  ھوار    پریس  کلب آنی  کارندہ    ءُ اھوالکار   آنی  مزنیں کساسے ءَ  بھر زوری  کت۔  مراگش   ءَ  گوں  گشتانک دیان   ءَ  سر وزیر   پنجاپ محسن  نقوی   ءَ گوشتگ کہ پروفیشنل   جنرنلسٹس آنی گہبود   حکومت   ءِ اولی زمہ واری  انت۔  یک   اھوالکارے  ءِ  بستار ءَ  مئے سر ءَ  بازیں  فرض  انت۔  آئی  ءَ  گوشت کہ اھوالکار   آنی  زمہ واری  انت  کہ  وتی  فرض آں  پیلو  کنت۔  مئے واھشت انت کہ   اھوالکار آنی  کد  ءُ بالاد  برز  ءُ بلند بہ بیت۔   سر وزیر  پنجاپ  ءَ گوشت کہ اھوالکار آناں  نوکیں زمانگ ءِ  لوٹ آنی رد ءَ  ھیل کاری  پجاری   کنگ   المی انت۔