راولپنڈی ۔13جنوری (اے پی پی):ضلع لکی مروت ءَ سیکورٹی فورسز ءُ ناشر کار آنی نیام ءَ تیر گواری ءَ جام شہادت نوش کنوکیں فوجی ورنا آنی نماز جنازہ وانگ ءِ سرجمیں فوجی شرپ ءِ گوما کبر ءُ کسارت کنگ بوت۔ شمبے ءِ روچ ء آئی ایس پی آر ءِ نیمگ ءَ جاڑی بوتگیں جار ءِ رد ءَ 10 جنوری ءَ لکی مروت ءَ سیکورٹی فورسز ءُ ناشرکار آنی نیام ءَ تیر گواری ءَ ضلع بھمبر ، آزات کشمیر ءِ نندوک 29 سالی سپاہی محمد افضل ءُ نانسہرہ ءَ گوں سیادی داروکیں 27 سالی سپاہی ابرار حسین شہید بوتگ انت ایشانی نماز جنازہ آئی ءِ ھندی دمگ ءَ وانگ بوت۔ سپاہی محمد افضل شہید ءُ سپاہی ابرار حسین شہید ءِ نماز جنازہ ءَ پاک فوج ءِ کلانہ ایں اپسرگ، ورنا ، شہید آنی گس ءِ مردم ءُ دمگ ءِ مردم آنی مزنیں کساس ءَ بھر زوری کت۔ اے موہ ءَ اے جزم ءِ درشان کنگ بوت کہ پاکستان ءِ ارد ماتیں وطن ءِ ناشرکاری ءَ ھوپ ءَ را ھمک قیمت ءَ ھلاس کنگ ءِ واستہ جزمیگ انت۔
