اسلام آباد۔ 12 جنوری (اےپی پی) نیشنل ہائی ویز اینڈ موٹروے پولیس موٹروے ایم ون آ صوابی نا خڑک بھلو کچ اسے ٹی نان کسٹم پیڈ گڑااسمگل کننگ نا کوشست ءِ بے سہب کرے، گڑا تے کوئٹہ غان پشاور اسمگل کننگاکہ۔ ترجمان موٹروے پولیس نا کنڈآن جمعہ نادے آ جاری بیان نا رداٹ موٹروے پولیس بھلو کارروائی اس کرسا موٹروے ایم ون آ صوابی نا خڑک بھلو کچ اسے ٹی نان کسٹم پیڈ گڑاتا اسمگل کننگ نا کوشست ءِ بے سہب کرینے۔ دوئی مروک گڑاتا مالیت لکھ آ روپئی پاننگک۔ ترجمان پارے کہ سیکٹر کمانڈر ایم ون شفیق الرحمان تون اودیم حوال ئس ہراڑآ کارروائی کننگا و موٹروے پولیس ءِ الرٹ کننگاسس۔ ترجمان پارے کہ ہندا بس کوئٹہ غان پشاور نا کنڈآ ہناکہ گڑاتے ضبط کننگ آن پد بس انا عملہ ڈیور و کنڈیکٹر ءِ دزگیرکننگانے۔ دوئی مروک گڑاتیٹی بسکوٹ، جوس، ڈیری کریم، پلاسٹک شاپر، ویسٹ کوٹ و ڈی سی انور ٹر اوار ءُ۔ بنائی کانودی کارروائی ءِ پورو کننگ آن پد نان کسٹم پیڈ گڑاتے تعلقدار کمامدارآتا دوٹی تننگانے۔
