اسلام آباد۔ 12 جنوری (اے پی پی) ملک اٹی پیٹرولیم مصنوعات نادرآمدآتیٹی برجامالی سال انا اولیکو 6 تُواٹی سالانہ بنداوتیا 8 درسد نا کمتی مسنے۔ اوسی اے سی و اوگرانا حساب وکتاب نا رداٹ مالی سال انا اولیکو 6 تُو اٹی پیٹرولیم مصنوعات آتا درآمد آتا کچ 11848000ٹن ریکارڈ کننگانے ہرا تدوک آ مالی سال انا ہندا مد انا مقابلہ ٹی 8 درسد کم ءُ۔ تدوک آ مالی سال انا ہندا مدٹی پیٹرولیم مصنوعات نا جم درآمد آتا کچ 12826000ٹن ریکارڈ کننگاسس۔ دسمبر اٹی پیٹرولیم مصنوعات نادرآمد آتا کچ 2061000ٹن ریکارڈ کننگا ہرا دسمبر 2022نا مقابلہ ٹی 14 درسد کم ءُ۔ دسمبر 2022اٹی ملک اٹی 2387000ٹن پیٹرولیم مصنوعات آتا درآمدات ریکارڈ کننگاسس۔ نومبر نا مقابلہ ٹی دسمبر اٹی پیٹرولیم مصنوعات نا درآمدآتیٹی ماہانہ بنداوتیا 4 درسد نا کمتی مس۔ نومبر اٹی پیٹرولیم مصنوعات نا درآمد آتا کچ 2069000ٹن ریکارڈ کننگا ہرا دسمبر اٹی کم مرسا 2061000ٹن مسر۔
