اسلام آباد۔ 12 جنوری (اے پی پی) اسلام آباد چیمبر آف کامرس نا صدر احسن بختاوری پارینے کہ آئی ایم ایف نا کنڈآن پاکستان کن 70 کروڑ ڈالر جاری کننگ نا منظوری زرگزرانی بحالی نا سفر اٹی پاکستان کن بھلو مستائی اسے۔ جمعہ نادے آ تینا بیان اٹی اوپارے کہ آئی ایم ایف فنڈز انا منظوری آ نگران وزیراعظم، وزیرخزانہ تون اوار مچ آ زرگزرانی ٹیم داسرسہبی آ مبارکبادنا حقدار ءُ۔ اوپارے کہ نگران حکومت نا گام گیج آتا سوب آن پاکستان زرگزرانی بحالی نا کسر آ ہنانے۔ آئی ایم ایف قسط انا جاری کننگ آن روپئی نا قدرا ٹی گچینی، سٹاک مارکیٹ اٹی پین سوگوی بریک۔ اوپارے کہ آئی ایم ایف پروگرام نا اصلاحات اٹ پوروی زرگزرانی سوگوی کن المی ءِ۔ بزنس کمیونٹی زرگزرانی گچینی کن حکومت نا غٹ فیصلہ غاتا پشت آ سلوک ءِ۔ گچین کاری تیان پد بروک آ حکومت مریس مدتی اصلاحاتی پیکج نا رداٹ زرگزرانی پالیسی تا چرجوئی ءِ برقرار تخے۔
