اسلام آباد۔ 12 جنوری (اے پی پی) الیکشن کمیشن 15 سیاسی جماعت آتا انٹراپارٹی گچین کاری تا بابت ڈک فیصلہ ءِ بنفسا 13 سیاسی جماعت آتے ڈی لسٹ کرے وخت اس کہ 2 سیاسی جماعت آتے گچین کاری تیٹی بشخ ہلنگ نا موکل تس۔ جمعہ نادے آ الیکشن کمیشن نا کنڈآن ڈک فیصلہ ءِ بِنفنگا۔ الیکشن کمیشن ہرا13 سیاسی جماعت آتے ڈی لسٹ کرے، اوفتے ٹی آل پاکستان مینارٹی الائنس،آل پاکستان تحریک،عوامی پارٹی پاکستان،بہاولپور نیشنل عوامی پارٹی،سب کا پاکستان،نیشنل پیس کونسل،پاکستان نیشنل مسلم لیگ،پاکستان امن پارٹی،پاکستان برابری پارٹی،مسیحی عوامی پارٹی،پاکستان قومی یکجہتی پارٹی،سنی تحریک،نظام مصطفیٰ پارٹی اوار ءُ ۔ فیصلہ نا رداٹ پاکستان مسلم لیگ جناح و جمعیت علماء پاکستان نورانی ءِ گچین کاری تیٹی بشخ ہلنگ نا موکل ملا۔
