اسلام آباد۔ 12 جنوری (اے پی پی) ایڈیشنل سیکرٹری خارجہ (دے ٹک نیامی) رضوان سعید شیخ مصر انا دورہ نا وخت آ تدوک آ دے مصر انا کمکار وزیرخارجہ ایشیا احمد شاہین تون اوڑدہی کرے۔ ترجمان دفترخارجہ نا کنڈآن جمعہ نادے آ جاری بیان نا رداٹ اوڑدہی ٹی مصراٹی پاکستان نا سفیر ساجد بلال ہم ساڑی ئس۔ فریق آک سیاسی، واپاری وزرکاری ناتعلقداری تتون اوار ہڑتوم آ کنڈآتا تعلقداری نا گیشتر امور نا جاچ ءِ ہلکر۔ اوہڑتوم آ کنڈآتا تعلقداری تے پین سوگو کننگ نا وڑوڈول آتیا ہم گپ وتران کریر ہراٹی اسیجائی وزارت کمیشن نا مون نا دور انا دیوان و داسال انا ایسر اٹ اسلام آبادا ٹی سالانہ ہڑتوم آکنڈآتا سلابت نا اڈتننگ اوار ءِ۔ ایڈیشنل سیکرٹری خارجہ و کمکاروزیرخارجہ ایشیا 9 آن 11 جنوری آ قاہرہ ٹی اڈہلوک آ چارمیکو پاکستان۔ افریقہ واپاری شونداری کانفرنس و سنگل کنٹری نمائش نا سرسہب اڈتننگ نا ستاءِ کریر ہرا سفارتی تعلقداری نا قیام نا 75 می سال دے انا وخت آ اڈہلک۔ اوپاکستان ومصر انا نیام اٹ فائدہ مند کمکاری و گپ وتران ءِ مون آ دننگ کن اواری اٹ کاریم کننگ آ امناکریر۔
