اسلام آباد۔ 12 جنوری (اے پی پی) صدر مملکت ڈاکٹر عارف علوی پاکستان ءِ درملکی زرکاری و کاروبار کن پرکشش ءُ ملک اس گوندسا پارینے کہ پاکستان اٹ زرکاری نا بے پناہ وارخواہی ارے۔ او جمعہ نادے آ جرمنی نا جہانی فوڈ ہول سیلر، میٹرو گروپ نا ڈل اتون اوڑدہی ٹی گپ وتران کریکہ۔ ایوانِ صدر نا پریس ونگ انا کنڈآن جاری بیان نا رداٹ کمپنی نا سی ای او ڈاکٹر سٹیفن گروبل و جرمنی نا پاکستان اٹی سفیر ہم اوڑدہی ٹی ساڑی ئسر۔ ڈل صدر مملکت ءِ پاکستان اٹی میٹرو گروپ نا کاروبار و زرکاری آ حوال تس۔ صدر ڈاکٹر عارف علوی پارے کہ پاکستان ملک اٹی پیشن نا زرکاری نا مون آ دننگ کن کاریم کننگ ءِ۔ ڈل پارے کہ میٹروکمپنی ملک اٹی کاروباری سرجزآتے پین مون آدننگ کن خواہندار ءِ، پاکستان اٹی زرکاری و کاروباری سرجز آتیکن سازگار چاگڑدءِ، پاکستان کاروبار، زرکاری و سیل و سوات کن اسہ پرکشش ءُ ہند اسے۔ صدر مملکت پاکستان اٹ میٹرو گروپ نا زرکاری نا ستا ءِ کرے۔
