راولپنڈی۔ 11 جنوری (اے پی پی ) اینٹی نارکوٹکس فورس منشیات اسمگلنگ نا برخلاف برجا کریک ڈاؤن اٹی 5 کارروائی تیٹی 250 کلوگرام منشیات دوئی کرسا 4 دوبہ دار ءِ دزگیرکرے۔ اے این ایف ترجمان نا رداٹ راولپنڈی ٹی واقع کوریئر آفس اٹی تھائی لینڈ آن مون تروک آ پارسل آن 637 گرام ویڈ دوئی کرسا 3 دوبہ دار ءِ دزگیرکننگا۔ صوابی انٹرچینج انا خڑک 128.5کلوگرام چرس و 53.5 کلوہفیم دوئی کننگا۔ رنگ روڈ پشاورنا خڑک دوبہ دار اسے آن 36 کلوگرام چرس دوئی کننگا۔ شیرشاہ ٹول پلازہ ملتان نا خڑک 26.4 کلوگرام چرس دوئی کرسا دوبہ دار اسے دزگیرکننگا۔ خیبرناعلاقہ زخہ خیل آن 5 کلوگرام چرس دوئی کننگا۔ ترجمان اے این ایف پارے کہ دزگیر دوبہ دار آتا برخلاف منشیات تور ایکٹ انا رداٹ مقدمہ ءِ درج کرسا جاست وپاست نا بناءِ کننگانے۔
