اسلام آباد۔ 11 جنوری (اے پی پی) نگران بنجائی وزیر حوالکاری ، شینکاری و پارلیمانی امور مرتضیٰ سولنگی پارینے کہ الیکشن کمیشن آف پاکستان نا مالی ، انتظامی و سیکورٹی گرج آتے پورو کننگ نا آئینی وڑاٹ پابند اُن۔ پنچ شنبے نادے آداڑے الیکشن کمیشن نا پیشن میڈیا تون گپ وتران کرسا اسہ سوج اسے نا ورندی ٹی اوپارے کہ پی ٹی آئی نا بابت باندات آتا پی ٹی آئی ہی جوان پاننگ کیک۔ اوپارے کہ پاکستان اٹ آجو، انصاف اٹ ، بے کنڈ ہلوک و شفاف گچین کاری کرفنگ نا آئینی زمواری الیکشن کمیشن آف پاکستان نا ءِ، نگران حکومت آئینی و کانودی حکومت ءِ، نن الیکشن کمیشن تون سلوک اُن۔ اوپارے کہ حکومت الیکشن کمیشن نا مالی، انتظامی و سیکورٹی گرج آتے پورو کننگ نا آئینی وڑاٹ پابند ءِ۔ اسہ سوج اسے نا ورندی ٹی اوپارے کہ سیکورٹی نا ویل آک حقی ءُ، ننے اوفتا درک ارے، اوفتے گچین کینہ۔ اسہ پین سوج اسے آ اوپارے کہ ملک اٹی سوج ہرفنگ آ ہچ ءُ پابندی اس اف۔ گچین کاریک انشاء اللہ 8 فروری 2024ء پنچ شنبے آ مریرہ، 8 فروری آ پولنگ اسٹیشن تا پیشن الس چِراٹ سلوک نظربریک۔
