اسلام آباد۔ 11 جنوری (اے پی پی) سپریم کورٹ پنجاب و خیبرپختونخوا ناگچین کاری تیٹی تاخیر نا برخلاف دائر درخواست ءِ غیرموثر مننگ نا بنداو آ سرتسنے۔ چیف جسٹس آف پاکستان جسٹس قاضی فائز عیسیٰ نا کماشی ٹی جسٹس محمد علی مظہر و جسٹس مسرت ہلالی آتالان عدالت عظمیٰ نا مسہ باسکی بنچ پنچ شنبے نادے آ داڑے پنجاب و خیبرپختونخوانا گچین کاری تیٹی تاخیر نا زموار آتا برخلاف کارروائی کن دائر درخواست آ سماعت کرے۔ سماعت نا وخت آ چیف جسٹس قاضی فائز عیسیٰ تینا ریمارکس اٹی پارے کہ لس گچین کاری تا تاریخ بسنے۔ اودرخواست گزار آن اَرفے کہ نن امر نما درخواست ءِ بِنن؟۔ اوپارے کہ گچین کاری نا بابت غٹ مقدمہ غاتے اولیتی بنداو تیا بِننگ اُن۔ اوکان پد سپریم کورٹ سید ظفر علی شاہ نا درخواست ءِ غیرموثر مننگ نا بنداو آ سرترسا گوندا کہ 8 فروری 2024ء آ لس گچین کاری نا تاریخ آن پد ساڑی آ درخواست غیرموثر مسنے۔
