پشاور۔ 10 جنوری (اے پی پی): ادارکی سر وزیر خیبر پختونخوا جسٹس ریٹائر ڈ سید ارشد حسین شاہ ءِ کوہاٹ ءَ پولیس چیک پوسٹ ءِ سر ءَ ارش ءَ را مذمت گران ءَ گوشتگ کہ ارش ءَ پولیس کارندہ آنی شہادت ءِ پد ءَ اپسوزی ءُ آوانی گس ءِ مردم آں گوں دلی یکوئی ءِ درشان کتگ۔ وتی دلپدردی کلوہ ءَ سر وزیر ءَ شہید آنی درجگ آنی برز ءُ بلندی ءُ پشمندگ آنی واستہ سگ ءُ اوپار کشی ءِ واستہ دعا ءِ نیک کت۔ آئی ءَ گوشت کہ صوبائی حکومت شہید آنی گس ءِ مردم آنی گوما ءُ پشمندگ آناں ایوک ءَ یل نہ کنت۔ ادارکی سر وزیر ءَ گوشت کہ خیبر پختونخوا پولیس ءَ الس ءِ جان ءُ مال ءِ رکھینگ ءِ واستہ بے دروریں قربانی داتگ۔ ناشرکاری ءِ ھلاپ ءَ جنگ سرجمیں راج ءُ کانود ءَ را مھکم داروکیں ا دارگ آنی گوما انت۔ اے رنگیں لگوریں واکیہ ءَ چہ پولیس ءِ مزن جگری ڈگار ءَ جنگ نہ بیت۔
