اسلام آباد۔ 10 جنوری (اے پی پی) نگران وزیراعظم انوارالحق کاکڑ پارینے کہ ریاست شہید آتا خاہوت آتے اسُل است آن دپک، دہشت گرد آک اخہ در بزدلانہ کارروائی کیرہ اوفتا برخلاف جنگ اٹی ہموخہ در ترندی بریک، دہشت گرد آک 24 کروڑ مخلوق نا عزم ءِ باتننگ کپسہ۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او تینا کماشی ٹی نگران بنجائی کابینہ نا دیوان اٹی کرے۔ دیوان اٹی باجوڑ اٹی پولیو ٹیم نا رکھ آ سلوک پولیس کارندہ غاتیا جلہو نا ترندی اٹ مذمت و اوٹی شہید مروک آ پولیس کارندہ غاتیکن دعاپاتیا کننگا و اوفتے خراج عقیدت پیش کننگا۔ نگران وزیراعظم پارے کہ ریاست شہید آتا خاہوت آتے اسُل است آن دپک۔ شہید پولیس کارندہ غاک ننا بروک آ آخبت کن تینا اینو ءِ ندرکریر۔ اوپارےکہ دہشت گرد آک اخہ در لغوری نا کارروائی کیرہ اوفتا برخلاف جنگ اٹی ہموخہ در ترندی بریک۔ دہشت گرد آک 24 کروڑ مخلوق ناعزم ءِ باتننگ کپسہ۔ اوپارے کہ پاکستان آن پولیو نا پورو چٹفنگ اسکان پولیو تور مشن پبی وڑاٹ برجاسلک۔
