اسلام آباد۔ 10 جنوری (اے پی پی) اسپیکر قومی اسمبلی راجہ پرویز اشرف انڈس ہائی وے آ لاچی نا علاقہ ٹی پولیس چیک پوسٹ آ دہشت گرد جلہونا مذمت ءِ کرینے۔ قومی اسمبلی سیکرٹریٹ آن جاری بیان نا رداٹ اوجلہو اٹی اِرا پولیس کارندہ واسہ کَسری اسے نا نہادی جونی نسخان آ است ہسونی نا درشانی ءِ کرے۔ اوغمزدہ خاہوت آتون ہمدردی نا درشان و ہڑزخواہی کرینے۔ اسپیکر اللہ تعالیٰ آن زوال کروک آ بندغ آتا درجہ غاتا بڑزی و خاہوت ءِ صبر وجمیل عطاکننگ نادعا۔ راجہ پرویز اشرف پارے کہ دہشت گردی نا برخلاف جنگ اٹی سیکورٹی فورس آتا بے مٹ قربانی تے است آن دننگ مفک۔ اوپارے کہ مچ آ قوم دہشت گردی نا برخلاف جنگ اٹی سیکورٹی فورس آتون ہم کوپہ سلوک ءِ۔
