کوئٹہ۔ 10 جنوری (اے پی پی)پاکستان مسلم لیگ (ن) نا صوبائی راہشون فاطمہ خان پارینے کہ 8 فروری مسلم لیگ (ن) نا سرسہبی نادے مریک الس نا طاقت اٹ پارٹی مرکز تون اوار غٹ صوبہ غاتیٹی بھلو گیشتری اسے اٹ سرسہبی دوئی کیک ، زالبول آک تینا وونٹ انا کمک اٹ ہمونمائندہ غاتے گچین کیر ہرا سہی وڑاٹ ایوان تیا ہنسا صوبہ نا حق اکن توار بڑز کننگ کیر۔ داہیت ءِ او چارشنبے نادے آ بروری روڈ کوئٹہ، ریلوےکالونی ٹی کارنر میٹنگ آن تران کرساپارے۔ فاطمہ خان پارے کہ مسلم لیگ (ن) الس نا حقی نمائندہ جماعت ءِ الس جوان چاہک کہ نواز شریف نا کماشی ٹی پاکستان شونداری نا کنڈآ گامزن و الس نا ویل آک ایسر مننگ کیرہ مسلم لیگ (ن) نا ہردور اٹی الس شونہال و مچ آ ملک اٹی شونداری ڈٹ بناکرے۔ اوپارے کہ نن وونٹ انا طاقت اٹ نواز شریف ءِ چارمیکو وار وزیراعظم جوڑ کرفنہ الس ملک انا شونداری و شونہالی کروک آجماعت آتون تفوک ءِ، 8 فروری آ مسلم لیگ (ن) بھلو گیشتری اسے اٹ سرسہب مریک و بنجا و صوبہ غاتیٹی حکومت جوڑ کیک۔ اوپارے کہ مسلم لیگ (ن) مدام تینا دور ءِ حکومت اٹ مزور، خواری کش، بزغر، کشارگر، ورنا، طالب علم آتا زند اٹی شونداری وشونہالی اتنگ کن تاریخی انقلابی گام گیج کرسا ملک انا نیزگار خواری کش الس نا خذمت نا مثال قائم کرینے۔ اوپارے کہ زالبول آک 8 فروری آ تینا وونٹ انا کمک اٹ ہمو نمائندہ غاتے گچین کیر ہر اسہی وڑاٹ ایوان تیا ہنسا الس نا حق اکن توار بڑز کننگ کیر۔
