اسلام آباد۔10جنوری (اے پی پی): ادارکی مزن بنجاھی کابینہ ءَ سپریم کورٹ ءِ پیسلہ ءِ رد ءَ بنجاھی نظامت ءِ تعلیمات ءِ ھمک روچ پگار ءِ سر ءَ کار کنوکیں 227 ماسٹر آناں پکو کنگ ءِ ھوالگ ءُ بےگواہ کنگ ءِ ھوالگ ءَ کابینہ کمیٹی ءِ نوک سر جوڑ یشت ءِ منظوری ھم دات۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ ادارکی مز ن وزیر انوار الحق کاکڑ ءِ سروکی ءَ بنجاھی کابینہ ءِ دیوان ءِ ادا برجم داشت۔ دیوان ءِ بنگیج ءَ باجوڑ ءَ پولیو ٹیم ءِ ءِ رکھینگ ءِ واستہ پولیس گارڈ آنی ءَ سر ءَ بوتگیں ناشرکاری ءَ را گوں ترندی ءَ مذمت کت ءُ ایشی ءِ نتیجگ ءَ شہید بوھوکیں پولیس کارندہ آنی واستہ پاتیہ وانی ھم کت۔ کابینہ ءَ شہید پولیس کارندہ آناں توسی پ ءُ ستا ھم پیش کت ۔ آئیءَ دیوان ءَگوں تران کنان ءَ گوشت کہ ریاست شہید آنی قربانی آناں اچبر بے ھیال کت نہ کنت۔
