اسلام آباد۔ 09 جنوری (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ پاکستان اولیکو ملک ءِ ہرا گلوبل ہیلتھ سیکورٹی سمٹ اڈتننگ ءِ ہراٹی 70 آن زیات ملک آتا مندوبین آک بشخ ہلنگ اٹی ءُ، نن دنیا ءِ پک کننگ اُن کہ پاکستان لیڈ کننگ کیک، سمٹ آن نیزگار و پدتموک ملک آتیکن اسہ جوان ءُ میکنزم اس جوڑ کننگک، پاکستان جان جوڑی نا بشخ اٹی جہانی آب انا کنڈآ ہِننگ ءِ ، پاکستان اٹ اولیکو وار جان جوڑی نا نظام ءِ سوگو تخنگ نا بنداو ءِ تخانن۔ داخیال آتا درشانی ءِ او سے شنبے نادے آ داڑے نگران بنجائی وزیر حوالکاری وشینکاری مرتضیٰ سولنگی تون اوار پریس کانفرنس آن تران کرسا کرے۔ نگران بنجائی وزیر قومی جان جوڑی ڈاکٹر ندیم جان پارے کہ پاکستان اولیکو ملک ءِ ہرا گلوبل ہیلتھ سیکورٹی سمٹ اڈتننگ ءِ ہراٹی 70 آن زیات مندبین آک بشخ ہلنگ اٹی ءُ، نگران وزیراعظم 10 جنوری آ سمٹ نا باقاعدہ بناءِ کیک۔ جہانی کانفرنس آن مچ آ دنیا نا جان جوڑی نا بشخ انا ماہرآک بشخ ہلیرہ۔ مچ آ دنیا غان جان جوڑی نا وزیر آک، ڈونرزآک و سفارتکار آتا بشخ ہلنگ شرفمندی نا ہیت اسے۔ اوپارے کہ نن دنیا ءِ پک کننگ اُن کہ پاکستان لیڈ کننگ کیک، گلوبل ہیلتھ سیکورٹی سمٹ انا اڈتننگ نا کمک اٹ دنیا نا فائدہ غاتا بنداو ءِ تخنگ اُن، جان جوڑی نا بشخ ءِ تالان کننگ کن گلوبل ہیلتھ سیکورٹی سمٹ اڈتننگ انگ ءِ، سمٹ انا بنداوی مسخت دین و قدرتی آفت آتیان جان جوڑی ءِ رکھ کننگ ءِ، دنیا و بروک آ چین تے رکھ کننگ کن امنائی لائحہ عمل اس طے کننگک، سمٹ آن نیزگار و پدتموک ملک آتیکن اسہ جوان ءُ میکنزم اس جوڑ کننگک۔ ڈاکٹر ندیم جان پارے کہ کانفرنس اٹی ویکسین و امداد نا بریبر بشخنگ کن حکمت عملی اس جوڑ کننگک۔ سمٹ اٹ جان جوڑی ءِ مون تروک خطرہ و رکھ دنیا کن پلان اس شین تننگک۔ گلوبل ہیلتھ سیکورٹی سمٹ پاکستان نا جان جوڑی نا بشخ اکن گیم چینجر اس جوڑ مریک۔ پاکستان جان جوڑی نا بشخ اٹی جہانی آب انا کنڈآہِننگ ءِ۔
