اسلام آباد۔ 09 جنوری (اے پی پی) نگران بنجائی وزیر حوالکاری ، شینکاری وپارلیمانی امور مرتضیٰ سولنگی پارینے کہ مسکوہی چیئرمین پی ٹی آئی اعتراف کرینے کہ ‘‘دی اکانومسٹ’’ اٹی شینک مروک آ مضمون ءِ او نوشتہ کتنے، دا مضمون ءِ مصنوعی ذہانت(اے آئی ) آن تیار کننگاسس۔ سے شنبے نادے آ راجی رابطہ نا پلیٹ فارم ‘‘ایکس’’ آ تینا اسہ ٹویٹ اسے ٹی بنجائی وزیر حوالکاری پارے کہ ساڑی آ چیئرمین پی ٹی آئی دا مضمون نا ریاست مخالف و امریکہ مخالف مواد آتےپک کتنے، سمندر پار پی ٹی آئی ، گڑاس نیم خواندہ اینکرو دی اکانومسٹ اے آئی نا دا فریب کاری آ شادیانہ خلنگ ءُ۔ بنجائی وزیر حوالکاری تینا ٹویٹ اٹی ‘‘ڈان اخبار’’ اٹی شینک مروک آ خبرنا لنک ءِ ہم شیئرکرے ہراٹی مسکوہی چیئرمین پی ٹی آئی آن دوشنبے نادے آ اڈیالہ زندان اٹی 190 ملین پاؤنڈ کرپشن کیس و توشہ خانہ ریفرنس نا زندان نا تہہ ٹی کارروائی کور کروک آ صحافی تا مروک آ گپ وتران نا حوالہ ءِ تننگانے۔ خبرنا رداٹ مسکوہی چیئرمین پی ٹی آئی صحافی تتون گپ وتران اٹی انکشاف کرے کہ اونا پن اٹ ‘‘دی اکانومسٹ’’ اٹی شینک مروک آ آرٹیکل اصل اٹ مصنوعی ذہانت(اے آئی ) آن تیارکروک ءِ۔
