راولپنڈی ۔9جنوری (اے پی پی):پاکستان ءُ سعودی عرب ءِ نیام ءَ دیمپانی کمک آنی ھوالگ ءَ سیمی دیوان سئے شمبے ءَ جی ایچ کیو راولپنڈی ءَ برجم بوتگ ایشی ءِ تہ ءَ وت مہ وتی، تاریخی ءُبراتی ءُ یکوئی آناں ارزشت د یگ بوتگ۔ آئی ایس پی آر ءِ رد ءَ دیوان ءِ ساھت ءَ فورم ءَ دوئیں براتیں ملک آنی نیام ءَ تاریخی یکوئی ارزشت آناں سہرا کتگ ءُ شریکیں مردم آں دو نیمگی واھگی کار ءُ سہرا بوھوکیں سیکورٹی ءِ جاور ھال آنی ھوالگ ءَ ھیال ریچی کت۔ فورم ءَ فوجی ٹیکنالوجی ءِ ترند گامیں دیمروئی ءِ واستہ دیمپانی صنعت ءَ کمک آنی ضلورت ءِ ھوالگ ءَ زور پر دات، وھدیکہ یکجائی مول ءُ مراد آنی سرجمی ءِ کمک آنی ودینگ ءِ ھوالگ ءَ ھیال ریچی کت۔ دیوان ءَ دیمپانی پیداوار ءِ شوبگ ءَ وت مستری ءِ وستہ توامیں شوبگ آنی تہ ءَ کمک آنی ودینگ ءِ واھشت ءِ ھم درشان کنگ بوت وھدیکہ دیمپانی کمک ءُ کمک آنی گام آناں ودینگ ءِ واستہ گیش کشک پٹ ءُ پول کنگ ءِ ضلورت ءِ بابت ءَ زور پر دات۔
