اسلام آباد۔9جنوری (اے پی پی): ادارکی بنجاھی وزیر اھوالکاری ، شنگ کاری ءُ پارلیمانی کار مرتضیٰ سولنگی ءَ گوشتگ کہ گلوبل ہیلتھ سیکورٹی سمٹ 2024 ءِ جوڑیشت پاکستان ءِ واستہ لائک ءِ ستا ءُ شرپ انت، اے گپ آئی ءَ سئے شمبے ءِ روچ ءَ ادا ادرکی بنجاھی وزیر جان سلامتی ڈاکٹر ندیم جان ءِ ھمراھی ءَ پریس کانفرنس ءَ گوں گشتانک دیان ءَ کت۔ اے موہی ءَ پرنسپل انفارمیشن اپسرگ ڈاکٹر طارق محمود خان ھم ساڑی ات۔ پریس کانفرنس ءَ گوں گشتانک دیان ءَ بنجاھی وزیر اھوالکاری ءَ گوشت کہ گلوبل ہیلتھ سیکورٹی سروک کانفرنس 10 ءُ 11 جنوری ءَ بنجاھی دارالحکومت اسلام آباد ءَ برجم بوھگ ءَ انت۔ آئی ءَ گوشت کہ پاکستان ءِ تاریخ ءَ اے کانفرنس اولی رند ءَ برجم بوھگ ءَ انت ایش پاکستان ءِ واستہ لائک ءِ شرپ ءُ ستا انت۔ بنجاھی وزیر اھوالکاری ءَ گوشت کہ اے کانفرنس بنی آدم آنی جان سلامتی ءِ واستہ انت، الس آنی جان سلامتی ءِ ھوالگ ءَ جیڈھ اسلیں جیڈھ انت۔ اے موہ ءَ ادارکی بنجاھی وزیر راجی جان سلامتی ءَ میڈیا ءَ را کانفرنس ءِ ھوالگ ءَ سرجمیں رنگ ءَ سرپد کت۔
