اسلام آباد۔9جنوری (اے پی پی): ادارکی بنجاھی وزیر اھوالکاری ، شنگ کاری ءُ پارلیمانی کار مرتضیٰ سولنگی ءَ گوشتگ کہ پیسریگیں چیئرمین پی ٹی آئی ءَ من اتگ کہ ” دی اکانومسٹ” ءَ شنگ بوھوکیں نبشتانک آئی ءَ نہ نبشتہ نہ کتگ، اے نبشتانک وت آرٹیفیشل انٹیلی جنس ءِ وسیلگ ءَ تیار کنگ بوتگ۔ سئے شمبے ءَ چاگردی ویب سائٹ “ایکس” ءِ سر ءَ ٹویٹ ءَ بنجاھی وزیر اھوالکاری ءَ گوشتگ کہ استیں چیئرمین پی ٹی آئی ءَ اے نبشتانک تیا ر نہ کتگ۔ بنجاھی وزیر اھوالکاری ءَ وتی ٹویٹ ءَ ڈان اھوالتاک ءَ شنگ بوھوکیں ھالتاک ءِ لنک ھم شیئر کت ایشی ءِ اندر ءَ پیسریگیں چیئرمین پی ٹی آئی ءَ گوں دو شمبے ءِ روچ ءَ اڈیالہ جیل ءَ 190 ملین پاونڈ کرپشن کیس ءُ توشہ خانہ ریفرنس ءِ جیل ءِ توک ءَ کاروائی کور کنوکیں اھوالکار آنی بوھوکیں تران آنی ھوالگ دیگ بوتگ۔ ھال آنی رد ءَ پیسریگیں چیئرمین پی ٹی آئی ءَ اھوالکار آں گوں تران کنان ءَ سہرا کت کہ آئی ءِ نام ءَ گوں بندوک “دی اکانومسٹ” ءَ شنگ بوھوکیں آرٹیکل در اصل آرٹیفیشل زانش ءِ کمک ءَ چہ تیار کنگ بوتگ۔
