اسلام آباد۔ 08 جنوری (اے پی پی) اینٹی نارکوٹکس فورس منشیات اسمگلنگ نا برخلاف 6 کارروائی تیٹی 75 کلو منشیات دوئی کرسا 4 دوبہ دار آتے دزگیرکرے۔ اے این ایف ترجمان نارداٹ باچاخان انٹرنیشنل بالی پٹ آ مسافر اسےنا ٹرالی بیگ آن 700 گرام آئس دوئی کننگا۔ دوبہ دار بذریعہ جہاز نمبرQR-601دوحہ کن روانہ مسکہ۔ شاہدرہ لاہور آن 60 کلوچرس و2.5 کلوآئس دوئی کرسا دوبہ دار ءِ دزگیرکننگا۔ خاربارڈر، باجوڑ نا خڑک اِرا جتا کارروائی تیٹی جم وڑاٹ 10 کلو چرس دوئی کننگا۔ پشاور اٹی موٹرسائیکل سوار آن 2.5کلو چرس دوئی کرسا دوبہ دار ءِ دزگیرکننگا۔ پشاور موڑراولپنڈی ٹی دوبہ دار اسے آن 500 دانہ ایکسٹیسی (نشئی) ءُ گولی دوئی کننگا۔ ترجمان پارے کہ دزگیر دوبہ دار آتا برخلاف منشیات تور ایکٹ انا رداٹ مقدمہ درج کرسا جاست وپاست نا بناءِ کننگانے۔
