کراچی۔ 08 جنوری (اے پی پی) پاکستان پیپلزپارٹی نا چیئرمین بلاول بھٹو زرداری باجوڑاٹی دہشت گردی نا واقعہ نا مذمت ءِ کرینے۔ میڈیا سیل آن جاری بیان اٹی بلاول بھٹو زرداری پارینے کہ انسداد پولیو مہم نا رضاکار آتا رکھ ءِ کروک آ پولیس کارندہ غاتیا بمب جلہو مذمت نا قابل ءِ، قوم انا چناتے پولیو کون آمرض آن رکھ تخوک آ رضاکار آک قومی ہیروک ءُ۔ بلاول بھٹو زرداری پارے کہ خیبرپختونخوانا پولیس دہشت گرد آتا عزم ءِ مش تا کننگ اٹی ءِ، باجوڑ واقعہ ٹی اوار دہشت گرد و اوفتا کمکارآک قوم انا دشمن ءُ۔ چیئرمین پی پی پی شہید آتا خاہوت آتون ہمدردی و ہڑزخواہی نا درشانی و ٹھپی تا زوت دراخ جوڑی کن دعاکرے۔
