اسلام آباد۔ 08 جنوری (اے پی پی) اسپیکر قومی اسمبلی راجہ پرویز اشرف باجوڑ اٹی دھماکہ نا مذمت ءِ کرسا نہادی جونی نسخان تیا تینا است ہسونی نا درشانی ءِ کرینے۔ دوشنبے نادے آ تینا ہڑزخواہی کلہواٹی اوپولیو نا شہید آتا خاہوت آتون ہڑزخواہی و ہمدردی نا درشانی ءِ کرے و شہید آتا درجہ غاتا بڑزی و پدسلوک آتیکن صبر وجمیل نا دعاکرے۔ اسپیکر دھماکہ ٹی ٹھپی مروک آتا زوت دراخ جوڑی کن تینا نیک است خواہی نا درشانی ءِ کرے۔ اوپارے کہ دہشت گردآک لغورآ کارروائی تے اٹ سیکورٹی فورس آتا حوصلہ ءِ شیف شاغنگ کپسہ۔ مچ آ قوم دہشت گردی نا برخلاف جنگ اٹی سیکورٹی فورس آتون ہم کوپہ سلوک ءِ۔
