باجوڑ۔ 08 جنوری (اے پی پی) باجوڑ نا تحصیل ماموند نا علاقہ بیلوٹ فراش اٹی دوشنبے نا سہب اتون سڑک نا کنارہ تخوک بمب انا دھماکہ ٹی 5 پولیس کارندہ شہید و 22 ٹھپی مسنو۔ پولیس نا رداٹ دا پولیس کارندہ غاک پولیو ویکسی نیشن ٹیم تے سیکورٹی فراوان کننگ کن ہنارہ ہراتم اوفتا گاڈی سڑک نا کنارہ تخوک بمب انا شست مس۔ پولیس نا رداٹ شہید آتا لاش و ٹھپی تے دمدستی وڑاٹ خار ہسپتال آ گدریفنگا و ہسپتال اٹی ایمرجنسی نافذ کننگانے۔ ہسپتال نا عملہ نا رداٹ ٹھپی تیان گڑاس نا حالیت تشویشناک ءِ ہراڑآن مرک آتیٹی ودکی مننگ کیک۔ خار ہسپتال نا انتظامیہ ہندی بندغ آتیان دترنا عطیہ نا خواست کرینے ۔ رپورٹ نا رداٹ شہید و ٹھپی مروک آ غٹ پولیس کارندہ غاک ئسر۔

متعلقہ مضامینمصنف کی طرف سے مزید