مچ آ ملک اٹی قومی انسداد پولیو مہم بناکرے، پاکستان آن پولیو نا چٹفنگ ننا اولیت ءِ، ڈاکٹر ندیم جان

اسلام آباد۔ 08 جنوری (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ دوشنبے آن مچ آملک اٹی قومی انسداد پولیو مہم بناکرینے، پاکستان آن پولیو نا چٹفنگ ننا اولیت ءِ۔ دوشنبے نادے آ قومی انسداد پولیو مہم آ تینا خصوصی کلہواٹی اوپارے کہ دوشنبے آن مچ آملک اٹی قومی انسداد پولیو مہم بناکرینے۔ اوپارے کہ 4 کروڑ 40 لکھ آن زیات چناتے پولیو آن بچفنگ نا پڑی کُنفنگک۔ ڈاکٹر ندیم جان لمہ و باوہ غاتیان خواست کرے کہ تینا چناتے آخبتی معذوری آن بچفر و تینا 5 سال آن کم وئی نا چناتے پولیو نا پڑی کنفر۔ پاکستان آن پولیو نا چٹفنگ ننا اولیت ءِ۔ پاکستان آن پولیو نا چٹفنگ اسکان آسرات تولپنہ۔ پولیو نا چٹفنگ کن گچین گام گیج آتے پک کننگ انگ ءِ۔ پولیو نا چٹفنگ کن عالم دین، سول سوسائٹی و میڈیا تینا اہم کڑد ءِ اداکیر۔