اسلام آباد۔ 08 جنوری (اے پی پی)حکومتی پارت آتا رداٹ سال 2024نا انسداد پولیو نا قومی مہم نا اولیکو مچ آ ملک ریسہ 8 جنوری آن بناکرینے ہرا 14 جنوری اسکان برجاسلک۔ انسداد پولیو پروگرام نا کنڈآن جاری بیان نا رداٹ قومی انسداد پولیومہم نا اولیکو ملک گیر ریسہ 8 جنوری دوشنبے نادے آن بناکرینے ہرا 14 جنوری اسکان برجاسلک۔ پولیو تور مہم نا ارٹ میکو ریسہ نا بناقطبی وزیرستان، نا علاقہ بنوں آن 15 جنوری آن مریک ہرا 19 جنوری اسکان برجاسلک۔ انسداد پولیو مہم نا آخیریکو ریسہ 22 آن 26 جنوری سویلی خیبرپختونخواہ ٹی چلینگک۔ دامہم اٹی چار ءُ نیم کروڑ آن زیات چناتے پولیو ویکسین کُنفنگک وخت اس کہ قومی انسداد پولیو مہم اٹی 3 لکھ آن زیات فرنٹ لائن ورکرتعینات مریرہ۔
