لاہور۔ 04 جنوری (اے پی پی) وزیراعظم نا خصوصی کمکار و چیئرمین علماء کونسل حافظ طاہرمحمود اشرفی پارینے کہ ملک آن پولیو نا چٹفنگ بھاز المی ءِ، حکومت برجاسال اسکان پولیو نا پوورو چٹفنگ کن سنبرینگوک ءِ۔ داخیال آتا درشانی ءِ او پنچ شنبے نادے آ داڑے اسہ دود اسے ٹی چناتے پولیو نا پڑی کُنفنگ آن پد میڈیا تون گپ وتران کرسا کرے۔ داوخت آ ڈائریکٹر جنرل ہیلتھ ڈاکٹر الیاس گوندل، ای پی آئی مختار احمد، ڈاکٹر عبدالناصر(مصر) اتون اوار ایلوفک ہم ساڑی ئسر۔ خصوصی کمکار پارے کہ پولیو ورکرآک تینا جون ءِ دلدست آ تخسا الس نا خذمتءِ کننگ ءُ، اوفتا بایدے است بڈی ءِ کننگے، اگہ پولیو کس اسے مرے تو او مچ آ زند معذوری نا زند ءِ گدریفک، ہرافک پولیو نا پڑی کُنفنگ آن انکار کیرہ او تینا چناتتون ظلم کیرہ ۔ اوپارے کہ اینو حج و عمرہ تو ن اوار ایلو زیارت آتیکن پیشن نا ملک ہِننگ کن ہم پولیو سرٹیفکیٹ ہلوئی تمک، ملک آن پولیو چٹے تو مخلوق ءِ سرٹیفکیٹ نا ضرورت تمپک۔
