ڈیرہ غازی خان ۔ 04 جنوری (اے پی پی) قطبی وزیرستان نا علاقہ مسکی میر علی ٹی نادرست دہشت گرد آتا کنڈآن سم کاری ٹی زوال کروک آ مزور آتے نن نیمہ غا باوہ پیرہ ئی آ علاقہ ڈیرہ غازی خان اٹی جہہ جاگہ کننگا، کمشنر ڈیرہ غازی خان ڈاکٹر ناصر محمود بشیر، ارپی اوکیپٹن ریٹائرڈ سجاد حسن خان، ڈپٹی کمشنر مہر زمان لک، ڈی پی او احمد محی الدین و ایلوآفیسر آتیان بیدس، سیاسی شخصیت، وکیل آتون اوار اہل علاقہ بھلو کچ اسے ٹی بشخ ہلکر۔ سرجم حوال آتا رداٹ کمشنر ڈی جی خان ڈویژن ، آرپی او ، ڈپٹی کمشنر ، ڈی پی او و ایلو آفیسر آک قطبی وزیرستان اٹی زوال کروک آ مزور ورناتے اوفتا باوہ پیرہ آ علاقہ چھابری زیریں ٹی نماز جنازہ ٹی بشخ ہلکر و پدسلوک آتون ہڑزخواہی کریر۔ دفن و مالی امداد کن فی کس خاہوت ءِ اسہ اسہ لکھ روپئی ہم تننگا۔ کمشنر پارے کہ حکومت پنجاب ءِ زہمی تا مالی امداد کن سلاہ وسوج مون تننگانے و نن دا دہشت گردی نا واقعہ نا پبی مزمت ءِ کینہ۔
