کوئٹہ۔ 04 جنوری (اے پی پی) اپیلٹ ٹریبونل اپیل آتا سماعت آن پد صوبہ بلوچستان آن 45 اومیتدار آتے گچین کاری تیٹی بشخ ہلنگ نا موکل تس، اومیتدار آتیٹی اہم سیاسی راہشون نواب محمد ایاز خان جوگیزئی، ملک عادل خان بازئی، ملک نصیر احمد شاہوانی مجید خان اچکزئی، قادرعلی نائل، غلام نبی مری و ایلوفک اوار ءُ۔ الیکشن ٹریبونل اٹی جمع کرفوک آ اپیل آتا کچ 370 آن گدرینگا۔ بلوچستان ہائی کورٹ نا جسٹس محمد ہاشم خان کاکڑ آ تالان اپیلٹ ٹریبونل و جسٹس محمد عامر نواز رانا غا تالان اپیلٹ ٹریبونل ٹو ریٹرننگ آفیسر آتا کنڈآن پندار کاغد آتا مسترد کننگ نا برخلاف اپیل آتا سماعت کریر، ہڑتوم آ ٹریبونل آک کل 81 اپیل آتیا سماعت کریر ہراٹی جسٹس ہاشم کاکڑ 50 وخت اس کہ جسٹس عامر نواز رانا 31 اپیل آتے بِنگ جسٹس ہاشم کاکڑ 9 اپیل آتیا تاریخ وخت اس کہ 44 اومیتدار آتے گچین کاری تیٹی بشخ ہلنگ نا موکل تس وخت اس کہ جسٹس عامر نواز رانا 31 اپیل آتیٹی 29 اپیل آتیا نوٹس و اسہ اومیتدار اسے گچین کاری تیٹی بشخ ہلنگ نا موکل و اسہ اپیل اسے آ فیصلہ ءِ ڈک کرے۔ الیکشن ٹریبونل اٹی گچین کاری تیٹی موکل ملوک آتیٹی پشتونخواملی عوامی پارٹی نواب محمدایاز خان جوگیزئی ،پاکستان تحریک انصاف ناملک عادل خان بازئی ،بلوچستان نیشنل پارٹی ناملک نصیر احمدشاہوانی ،پشتونخوامیپ انا مجید خان اچکزئی ،علی پراچہ،ہزارہ ڈیموکریٹک پارٹی نا قادر علی نائل ،محمددائود، عزیز اللہ ہزارہ،بلوچستان نیشنل پارٹی نا غلام نبی مری ،میر مقبول لہڑی ،عبدالباسط لہڑی،بلوچستان نیشنل پارٹی (عوامی) نا غلام فاروق ناشناس ،جمعیت علماءاسلام نا میر ظفر اللہ زہری ،مولاناایوب ایوبی ،آزاداومیتدار محمد آصف ،ضیاءالحق ،ناصر علی رند، عتیق اللہ ،عبدالصمد خان ،شادی خان ،خادم حسین ،میراسلم رند، دوست محمد، عالمگیر خان ،عصمت اللہ ،سردار خان ،عمران حسین ،جمعہ خان ،سید عبدالحئی ،عبدالحنان، محمد اسحاق ،موسیٰ خان ،جواد خان ،عرفان اکبر،معین اللہ ،دابر حسین ،گل خان ،نقیب اللہ نا پندار کاغد آتے منظور کرے ، وخت اس کہ الیکشن ٹریبونل ٹو پشتونخوانیشنل عوامی پارٹی نا نصراللہ زیرے ،پاکستان مسلم لیگ(ن) نا میرفائق جمالی ،بلوچستان عوامی پارٹی ناروبینہ عرفان نا اپیل آ فریق آتے نوٹس جاری کرے ۔الیکشن ٹریبونل ریٹرننگ آفیسر آتا فیصلہ غاتیا ترندی نا درشانی ءِ کرسا پارے کہ جمہوریت اٹ داوڑنا فیصلہ کننگپک، سیکوٹنی کن ہندا خاطرآن وخت تننگک کہ آراوز گڑاتے پورو کننگ کیر، ٹریبونل الیکشن کمیشن نا نمائندہ ءِ پارت کرے کہ دمدستی وڑاٹ تعلقدار آراو ءِ بٹنگے ۔ الیکشن ٹریبونلز اٹی جمع مروک آ اپیل آتا کچ 370 آن گدرینگا۔
