کوئٹہ۔ 04 جنوری (اے پی پی) چیئرمین اسٹینڈنگ کمیٹی پیٹرولیم ورسورسز و سیاسی و اقتصادی امور نا ماہر سینیٹر محمد عبدالقادر پارینے کہ دا ہیت بھاز ستاکڑزک کہ تدوک آ سال انا ایسر اسکان پاکستان نا برآمد و درآمد آک بھاز است بڈ ئسر تدوک آ سال پاکستان نا برآمد آتیٹی 22 درسد آن زیات ودکی و درآمد آتیٹی 12 درسد آن زیات کمتی واقع مس ہراکہ پاکستانی زرگزران کن بھاز ستاکڑزوک ءُ ہیت اسے دسمبر نا ایسر 2023اسکان پاکستان نا برآمد آتیٹی 511 ملین ڈالر نا ودکی مس۔ داڑے جاری مروک اسہ بیان اسے ٹی اوپارے کہ پاکستان برآمد و درآمد آتا بابت ہرا ہدف آتے طے کرینے اوفتے سخت خواری دیانت داری و کسبی لائخی تے کاریم اٹ اتسا برقرارتخنگ نا گرج ءِ، زرگزران ہر ملک اکن تمبہ نا حیثیت تخک برآمد و درآمد آتیٹی بے بریبری ملکی زرگزران ءِ مشکل آتا گواچی کیک ملکی زرگزران ءِ آخبتی بنداوتیا سوگو کننگ کن ننے پدریسہ تینا برآمد آتیٹی خاطر خواہ ودکی کننگ و درآمد آتیٹی پیدوار کمتی کروئی مریک۔ اوپارے کہ داوڑنا سخت زرگزرانی حالیت آتیان پد ہم پاکستان نا زرگزران اٹی متاثرکن رجحان مون آ بسنے تو دا مثبت ٹک آک بھاز است بڈ و است جم ءُ، پاکستان نا واپاری نسخان 34 درسد کم مرسا 11 ارب 14 کروڑ 80 لکھ ڈالرز رہینگانے، ہرا تدوک آ سال انا ہند امد اٹی 16 ارب 96 کروڑ 50 لکھ ڈالر آن کم ءُ، 5 ارب 81 کروڑ 76 لکھ ڈالر نا نسخان اٹی کمتی مسنے ہندا مد اٹی درآمد آتیٹی سال 2022نا مقابلہ ٹی 16.28 درسد نا نمان کمتی واقع مس ہراکہ 31 ارب 20 کروڑ 90 لکھ ڈالر آن کم مرسا 26 ارب 12 کروڑ 90 لکھ ڈالر رہینگا۔ چیئرمین قائمہ کمیٹی پارے کہ پاکستان ءِ خود انحصاری نا روش اختیار کروئی مریک پاکستان معدنی وسیلہ غاتیان شپ ءُ ملک اسے چین و روس معدنیات نا بشخ اٹی نمان است خواہی نا درشانی ءِ کرینو داکان بیدس توانائی نا بشخ اٹی بھاز زیات گچینی اتسا صنعت آتے اڑزان وافر بجلی و گیس انا فراوانی ءِ پک کننگ نا گرج ءِ تانکہ پیدواری خڑچ کم برے و پاکستانی مصنوعات جہانی منڈی تیٹی زور اتون مون تف، و پاکستانی مصنوعات آتا پیشن نا ملک خواست اٹی ودکی مرے ہندا وڑ پاکستان نا برآمد ملکی زرگزران آ بھاریم ءِ کم کننگ اٹ کمکار مریک۔
