کوئٹہ۔ 04 جنوری (اے پی پی) پاکستان مسلم لیگ ن نا حلقہ 42 کوئٹہ غان پندار اومیتدار زرک خان مندوخیل پارینے کہ سیاست عبادت ءِ الس نا خذمت ننا مشن ءِ ، ننا درخواست آ جی ایم گیس حلقہ ٹی گیس پریشر کمتی نا ویل ءِ ایسر کرے ہراڑآ نن اونا منت واراُن، داخیال آتا درشانی ءِ او جی ایم گیس انور بلوچ تون اوڑدہی نا وخت آ میڈیا تون گپ وتران کرسا کرے۔ اوپارے کہ کوئٹہ شار اٹی گیس پریشر اٹی کمتی نا ویل بھلو وخت اسے آن برجاءِ کنا حلقہ ٹی پریشر مفننگ نا بریبر ئس، ہراڑآ نن جی ایم انوربلوچ تون اوڑدہی کریسن اوویل ءِ ایسر کرفنگ نا پورو باوری کرفیسس ، اوپارے کہ تدوک آ دے حلقہ ٹی گیس پریشراٹی کمتی نا ویل ءِ ایسر کننگا اینو نن جی ایم انور بلوچ و اونا ٹیم انا منت واری ءِ ہرفنگ کن بسونن، ہرا الس نا متکن آویل ءِ ایسر کرے اوپارے کہ الس نا ویل آتا ایسر کننگ کن ہی سیاست نا میدان اٹ بسونن۔
