لاہور۔ 03 جنوری (اے پی پی) چیف جسٹس لاہور ہائی کورٹ گورنرپنجاب نا منظوری آن پد چندی ضلع غاتے خڑک انا بنچ آتون منسلک کننگ نا نوٹیفکیشن جاری کرے۔ نوٹیفکیشن نا رداٹ ضلع بھر ءِ لاہور ہائیکورٹ ملتان بنچ، ضلع میانوالی ءِ لاہور ہائیکورٹ راولپنڈی بنچ، ضلع لودھراں ءِ لاہور ہائیکورٹ بہاولپور بنچ، ضلع گجرات نا تحصیل سرائے عالمگیر ءِ لاہور ہائیکورٹ راولپنڈی بنچ تون منسلک کننگا۔ نوٹیفکیشن نا رداٹ 9 جنوری آن ضلع بھکر، ضلع میانوالی، ضلع لودھراں و تحصیل سرائے عالمگیر نا مقدمہ غاتے تعلقدار بنچ آتیا بِننگک۔ ضلع بھکر، میانوالی، لودھراں و تحصیل سرائے عالمگیر نا لاہور ہائی کورٹ لاہور پرنسپل سیٹ آ پدسلوک مقدمہ غاتے تعلقدار بنچ آتیا ٹرانسفر کننگک ۔ داکان مست بھکر، میانوالی، لودھراں و سرائے عالمگیر نا سُوالی تے تینا مقدمہ غاتیکن لاہور ہائیکورٹ لاہور پرنسپل سیٹ آ بروئی تماکہ۔ چیف جسٹس لاہور ہائیکورٹ جسٹس محمد امیر بھٹی السی آسراتی و سُوالی تے اوفتا درگہ غا انصاف نا فراوانی نا غرض اٹ دا گام ءِ ہرفینے۔
