اسلام آباد۔ 03 جنوری (اے پی پی) موٹروے پولیس منشیات اسمگلنگ نا کوشست ءِ بے سہب کرسا 12 کلوگرام بڑزکو کوالٹی نا ہیرون دوئی کرے۔ ترجمان نا رداٹ ایم ون ہزارہ انٹرچینج نا خڑک پیٹرولنگ سیکٹر کمانڈر ایم ون شفیق الرحمان ڈیوالئی و لاپرواہی اٹ ہنوک ءُ خبراس خنا ہرادے توننگ نا اشارہ کننگا ولے ڈیور گاڈی ءِ توتہو ہراڑآ سیکٹر کمانڈر مون آ بروک آ پولیس موبائل ءِ الرٹ کرے۔ ہندا گاڈی ءِ چندی وار توننگ نا کوشست کننگا ولے ڈیور گاڈی ءِ توتہو۔ موٹروے پولیس نا کنڈآن ہندا گاڈی نا رند ءِ ہلنگا۔ پولیس ءِ تینا پدآن بروک خنسا ڈیور ہزارہ انٹرچینج لوپ آ گاڈی ءِ سلفسا تہاری نا فائدہ ءِ ہرفسا موقع غان نرا۔ گاڈی نا تلاشی ءِ ہلنگ آ گاڈی آن 12 پیکٹ بڑزکو کوالٹی نا ہیرون دوئی کرے۔ گاڈی ءِ کوزہ ٹی ہلسا دوبہ دار نا پٹنگ نا بناءِ کننگانے۔
