پاک چائنا فرینڈ شپ ہسپتال آن گوادر و کیبی نا علاقہ غاتا ہنکینی تے بڑزکو آب انا جا ن جوڑی نا آسراتی اسکان رسینگ دوئی مریک، چیف کنسلٹنٹ ژووینوی

بیجنگ۔ 03 جنوری (اے پی پی) بلوچستان نا شار گوادر اٹی پاک چائنا فرینڈ شپ ہسپتال اولیکو وار مریض آتے داخل کننگ و اوفتے گچین جان جوڑی نا آسراتی فراوان کننگ نا تیاری کننگ ءِ۔ ہسپتال نا بنداو ءِ 2020اٹی تخنگاسس۔ دا چین پاکستان اقتصادی راہداری نا بشخ ءِ ودادے ہڑتوم آ ملک آتا سنگتی نا نشانی پاننگک۔ پاک چائنا فرینڈ شپ ہسپتال نا چیف کنسلٹنٹ ژووینوی چائنا گلوبل ٹیلی ویژن نیٹ ورک ءِ پارے کہ چین و پاکستان نا سنگتی نا اسہ مرغن ءُ تاریخ اسے و بیلٹ اینڈ روڈ ڈٹ اٹی چین گوادر نا دا ہسپتال اٹی ہندی مخلوق ءِ فائدہ تننگ کن زرکاری کننگ نا خواہندار ئس۔ پاک چائنا فرینڈ شپ ہسپتال پوسکن آآسراتی و پوسکن آ طبی ٹیکنالوجی آن شپ ہراڑآن گوادر و کیبی نا علاقہ غاتا ہنکینی تے بڑزکو آب انا جان جوڑی اسکان رسینگ دوئی مریک۔ ہیڈ آف انڈس ہسپتال کیمپس گوادر ڈاکٹرآفتاب پارے کہ دا ہسپتال پوسکن آ سازوسامان تیان شپ ءِ و دا بروک آ25 سال اسکان گوادر نا شاری تے گچین جان جوڑی نا آسراتی فراوان کیک۔ داعلاقہ نا مخلوق جان جوڑی نا گچین آسراتی فراوان کننگ آ چینی ایلم تا منت وار ءُ۔ چین نا وزارت واپار 8 ایکڑ آ تالان دا ڈٹ انا مالی کمک فراوان کرے ہراڑآ30.5 ملین ڈالر خڑچ بسنے۔ ہسپتال ہلہلہ ئی خذمت آتے اٹ خصوصی طبی نگہداشت اسکان جان جوڑی نا آسراتی تا اسہ بھلو رینج اسے پورو کننگ کیک، عام و پیچیدہ ناجوڑی ہڑتوم آتا درمان ءِ کننگ کیک۔ داڑآن روزگار نا پوسکن ءُ وارخواہی ودی کرسا و ہندی کاروبار نا است بڈی ءِ کرسا ہندی زرگزران ءِ فائدہ رسینگک۔