اسلام آباد۔ 03 جنوری (اے پی پی) ملک اٹی پیٹرول نا بہاٹی برجامالی سال انا اولیکو 6 تُو اٹی سالانہ بنداوتیا 7 درسد نا کمتی مسنے۔ اوسی اے سی نا حساب وکتاب نا رداٹ جولائی آن دسمبر اسکان نا مد اٹی ملک اٹی 3.57 ملین ٹن پیٹرول نا بہاریکارڈ کننگا ہرا تدوک آ مالی سال انا ہندا مدانا مقابلہ ٹی 7 درسد کم ءُ۔ تدوک آ مالی سال انا ہند امد اٹی 3.83 ملین ٹن پیٹرول نا بہاریکارڈ کننگاسس۔ دسمبر اٹی ملک اٹی 0.57 ملین ٹن پیٹرول نا بہاریکارڈ کننگا ہرا نومبر نا مقابلہ ٹی اسہ وڑ ءُ۔ نومبر اٹی ہم ملک اٹی 0.57 ملین ٹن پیٹرول نا بہاریکارڈ کننگاسس۔ دسمبر 2022 نا مقابلہ ٹی دسمبر 2023اٹی ملک اٹی پیٹرول نا بہاٹی سالانہ بنداوتیا 8 درسد نا کمتی مس۔ دسمبر 2022 اٹی ملک اٹی 0.62 ملین ٹن پیٹرول نا بہا ریکارڈ کننگا سس ہرادسمبر 2023اٹی کم مرسا 0.57 ملین ٹن مس۔ یات سلے کہ مالی سال انا اولیکو 6 تُو اٹی ملک اٹی پیٹرولیم مصنوعات آتا جم بہاٹی سالانہ بنداوتیا 15 درسد نا کمتی ریکارڈ کننگانے۔
