اسلام آباد۔ 03 جنوری (اے پی پی) موٹروے ایم 2 گوتلو نا شدت اٹ کمتی آن پد اسلام آباد آن کوٹ مومن، موٹروے ایم 1 اسلام آباد آن صوابی، موٹروے ایم 14 ہکلہ آن ڈی آئی خان اسکان ہروڑنا ٹریفک کن ملنگانو، وخت اس کہ موٹروے ایم 1 پشاور آن صوابی، سوات ایکسپریس وے کرنل شیرخان آن اسماعیلہ، ہزارہ ایکسپریس وے برہان آن جھاری کس اسکان ہروڑنا ٹریفک کن پدریسہ بند ءِ۔ ترجمان موٹروے پولیس پارے کہ موٹروے بند کننگ نا مسخت شکست آتیان بچنگ و موٹروے ءِ کاریم اٹ اتوک آتا جان ومال انا رکھ ءِ۔ شاری تیان خواست ءِ کہ گوتلو ناوخت آ سٹی سفر کپس، تینا سفر ءِ دے انا روشنائی ٹی پورو کرسا گوتلوآن مست تینا مزل آ سرمریر گاڈی تیٹی فوگ لائٹ آتے کاریم اٹ اتیر۔ ترند رفتاری کپس و مون نا گاڈی آن جوان ءُ فاصلہ اس تخر۔ سفرنا بناءِ کننگ آن مست موٹروے پولیس ہیلپ لائن 130 آن معلومداری دوئی کننگ مریک۔ داکان بیدس نیشنل ہائی ویز اینڈ موٹروے پولیس نا آفیشل سوشل میڈیا اکاؤنٹ آن ہم تازہ معلومداری دوئی کننگ مریک۔
