اسلام آباد۔ 03 جنوری (اے پی پی)تیل و گیس انا بشخ آتیٹی برجامالی سال انا اولیکو چار تُو اٹی 79.1ملین ڈالر نا براہ راست درملکی زرکاری ریکارڈ کننگا۔ زرکاری بورڈ انا کنڈآن جاری حساب وکتاب نا رداٹ 2023-24نا اولیکو چار تُو اٹی ملک اٹی تیل و گیس انا بشخ اٹی براہ راست درملکی زرکاری 79.1ملین ڈالر ریکارڈ کننگانے۔ یات سلے کہ تدوک آ4 سال اٹی تیل و گیس انا بشخ اٹی جم وڑاٹ 892.8 ملین ڈالر نا براہ راست درملکی زرکاری ریکارڈ کننگا۔ مالی سال 2019-20اٹی تیل و گیس انا بشخ اٹی 311.4ملین ڈالر، مالی سال 2020-21نا 251ملین ڈالر، مالی سال 2021-22اٹی 195.3ملین ڈالر،2022-23اٹی براہ راست درملکی زرکاری 135.1ملین ڈالر ریکارڈ کننگا۔
