اسلام آباد۔ 03 جنوری (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ دوائی تا بے سلنگ آن فراوانی کن فارماپارک جوڑ کننگ اُن، فارمانا بابت کانود، حکومتی پالیسی، و ڈریپ گائیڈ لائنز نا بابت معلومداری تننگ کن فیسیلی ٹیشن ڈیسک اس جوڑ کرینن۔ چارشنبے نادے آ وزارت جان جوڑی آن جاری بیان نا رداٹ ڈاکٹر ندیم جان پارے کہ فیسلی ٹیشن ڈیسک انا مسخت فارماانڈسٹری نا ایکسپورٹ ءِ ودفنگ کن عملی گام گیج آتے پک کننگ ءِ۔ ڈیسک آن پوسکن آ فارماکمپنی تے ڈریپ آن لیسن و رجسٹریشن دوئی کننگ نا وڑوڈول آ راہشونی فراوان کننگک۔ ملک آن دوائی تا ایکسپورٹ نا بابت غٹ معلومداری ہم فراوان کننگک۔ ڈریپ فیسیلی ٹیشن ڈیسک ملک اٹی فارما انڈسٹری خلنگ کن معلومداری فراوان کیک۔ فارماانڈسٹری نا غاوتے ہم فیسیلی ٹیشن ڈیسک انا کمک اٹ دمدستی ایسر کننگک۔ دوائی تا سپلائی نا بے سلنگ آن فراوانی کن فارماپارک جوڑ کننگ اُن۔ پاکستان اٹ جون تے بچفوک آ دوائی تا فراوانی کن ٹرانسفر آف ٹیکنالوجی نا کمک اٹ مثبت پیش رفت مسنے۔ دا گام آن ملک انا زرگزران سوگو مریک۔
