اسلام آباد۔ 03 جنوری (اے پی پی) صدر مملکت ڈاکٹر عارف علوی ڈیرہ اسماعیل خان اٹی 12 دسمبر نا دہشت گردجلہو نا 20 شہید آتا خاہوت آتون ٹیل فون آ رابطہ کرے ، شہید آتے خراج عقیدت و وارث آتون ہمدردی نا درشانی ءِ کرے۔ ایوان صدر نا پریس ونگ انا رداٹ صدر مملکت حوالدار عمران خان ، محمد جمیل، محمد شہاب، فضل سبحان، داؤد شاہ و ریاست خان نا وارث آتون ہڑزخواہی کرے۔ صدر مملکت نا نائیک مختیار علی، لانس نائیک محمد اسحاق، محمد حیات و صغیر احمد نا خاہوت تون ہم ٹیل فون آ رابطہ کرے۔ اوسپاہی رحمان شاہ، غلام مرتضیٰ ، محمد فیاض و امیر حسین ءِ ہم خراجِ عقیدت پیش کرے۔ صدر مملکت سپاہی عدنان، محمد نصیر، وقار اللہ خان ، ولی خان، ذوالفقار و نبیل اختر ءِ وطن نا خاطر جام شہادت نوش کننگ آ سلام پیش کرے۔ صدر مملکت نا دہشت گرد آتا جلہو نا مذمت، شہید آتا خاہوت آتون ہمدردی نا درشانی ءِ کرے۔ اوقوم انا کنڈآن شہید آتا خذمت آتا ستاءِ کرے و اوفتا خاہوت آتا منت واری ءِ ہرفے۔ صدر مملکت شہید آتیکن درجہ غاتا بڑزی و خاہوت کن صبر وجمیل نا دعاکرے۔
