اسلام آباد۔ 02 جنوری (اے پی پی) نگران بنجائی وزیر نیشنل ہیلتھ سروسز اینڈ ریگولیشنز ڈاکٹر ندیم جان پارینے کہ جان جوڑی نا بشخ ءِ مستین اٹ گوجالنگا، جی ڈی پی نا اسہ درسد جان جوڑی نا بشخ اکن جتا کننگک، اودے 2 درسد اسکان ودفنگ نا گرج ءِ۔ سے شنبے نادے آ سینیٹ اٹی چناتا درمان کن چندی ویکسین نا عدم دستیابی نا بابت سینیٹر مہر تاج روغانی نا چکاری نوٹس نا ورندی ٹی بنجائی وزیر نیشنل ہیلتھ سروسز اینڈ ریگولیشنز ڈاکٹر ندیم جان پارے کہ جان جوڑی نا بشخ صوبہ غاتے گدریفنگانے، دا صوبہ غاتا زمواری ءِ کہ او اینٹی ڈیفتھیریاسیرم نا فراوانی ءِ پک کیر۔ اوپارے کہ جان جوڑی نا بشخ ءِ مستین اٹ گوجالنگا ، جی ڈی پی نا اسہ درسد جان جوڑی نا بشخ کن جتا کننگک، اونا ہچ کس نوٹس ءِ ہلتنے۔ داکنڈآ چکار کننگ نا گرج ءِ۔ پارلیمنٹ نا باسک و حکومت ءِ داکنڈآ دا باندات آچکار کروئی مریک، نن خواست کننگ اُن کہ بروک آ حکومت جی ڈی پی نا 2 درسد جان جوڑی نا بشخ اکن جتا کے تو اوڑآن حالیت آتیٹی گڑاس گچینی بریک دُن تو دا جی ڈی پی نا بایدے پنچ درسد مرے۔
