اے این ایف نا منشیات اسمگلنگ نا برخلاف کارروائی، چندی دوبہ دار دزگیر

راولپنڈی۔ 02 جنوری (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف 9 کارروائی تیٹی چندی دوبہ دار آتے دزگیرکرسا 214 کلوگرام منشیات دوئی کرے۔ ترجمان اے این ایف نا رداٹ لاہور بالی پٹ آ قطر ایئر ویز آ دوحہ غا ہنوک آ مسافر آن 2.4 کلوہیرون دوئی کننگا۔ شاہراہِ فیصل آ کوریئر آفس اٹی سری لنکا غا ہنوک آ پارسل آن 100 گرام ہیرون دوئی کننگا۔ خیبرنا علاقہ مورگاہ بارڈر نا خڑک 4 کارروائی تیٹی 209 کلو چرس دوئی کننگا۔ جی ٹی روڈ پشاور نا خڑک 2 کلو چرس دوئی کننگا۔ خیابان سرسید راولپنڈی ٹی نائیجیریا نا شاری اسے آن 8 کوکین آن پُر کیپسول دوئی کننگا۔ کنگن پور اٹی 3 دوبہ دار آن 956 گرام ہیرون دوئی کننگا۔ ترجمان پارے کہ دزگیر دوبہ دار آتا برخلاف منشیات تور ایکٹ نا رداٹ مقدمہ نوشتہ کرسا مستی جاست وپاست نا بناءِ کننگانے۔