دِیر انا زیان نا ویل ءِ ایسر کننگ کن الس اٹ شعور بیدار کننگ نا گرج ءِ ، نگران بنجائی وزیر پارلیمانی امور

اسلام آباد۔ 02 جنوری (اے پی پی) نگران بنجائی وزیر پارلیمانی امور مرتضیٰ سولنگی پارینے کہ دیر انا زیان نا ویل ءِ ایسر کننگ کن الس اٹ شعور بیدار کننگ نا گرج ءِ، تدوک آ اسہ سال اٹی اسلام آباد اٹی مسہ فلٹریشن پلانٹ خلنگانے۔ سے شنبے نادے آ ایوان بالا نا دیوان اٹی وقفہ سوج آتیٹی سینیٹر مشتاق احمد، سینیٹر مہرتاج روغانی و ایلو باسک آتا سوج آتا ورندی ٹی نگران بنجائی وزیر پارلیمانی امور مرتضیٰ سولنگی پارے کہ اسلام آباد نا چندی علاقہ غاتیٹی کنوئی ءُ ساف دیر انا ویل ءِ، اودے ایسر کننگ کن گام گیج کننگ انگ ءِ، دیر انا زیان اسہ ویل اسے داہندن ءُ باندات اسے ہرا بیرہ جرمانہ غاتے اٹ ایسر مروک اُس اف، داڑکن الس اٹ شعور بیدار کننگ نا ہم گرج ءِ، بدبختی اٹ اشرافیہ اخس دِیر زیان کیک نیزگار مخلوق ہموخس زیان کپک۔ اوپارے کہ قوم السی نمائندہ غاتا گچینی  ءِ استحصالی نظام نا چٹفنگ کن کیک ، اگہ اوداوڑکننگ کپسہ تو دا بے سہبی اسے۔ اوپارے کہ تدوک آ اسہ سال اٹی اسلام آباد اٹی مسہ فلٹریشن پلانٹ خلنگانے۔